منسج كلام
*منجيرة وعود*
د/ نوال علي حمود
وتلج بهالعيد وصوت فيروز
بيحملني صوتك فيروز
الدافي لبعيد بعيد
لحدود مافيها إلا لحن
وتغريد ونقاوة
عمر وشوية
شقاوة
ع حدود الغيمات بنشر
فستان بكل الألوان
تيخبي حمل غيمة
بالخير رايحة
تغريب
صوب الضيعة بحد
البحر ع غير عادتها
بترمي تلج وبتهرب
منها الموجات
تتردها ريح
مجنونة
ع حركة بخورة
وصوت عصفورة
ع الساري ترجف بردانه
تصرخ امواجك وتنادي ارجعي
تعديتي ع حدود
رمالي والهوى
شرقي
ليش تخالفي سنة
الحياة
هونيك ع الجبل البعيد
ناطرين منك التلجات
وعرابة وعراب بيدعو
ليل نهار تتكلل روس
جبالهم بثوب زفاف
وعرس فرح
للغيمات .
عشتااار سوريااا
٢١ / ١٢ / ٢٠٢١م
د/ نوال علي حمود
ليست هناك تعليقات:
إرسال تعليق